দেশৰ ১০০ খন উচ্চ শিক্ষানুষ্ঠানৰ তালিকাত স্থান পালে অসমৰ ৪ খন শিক্ষানুষ্ঠানে
শীৰ্ষত থকা দেশৰ এশখন উচ্চশিক্ষাৰ প্ৰতিষ্ঠানৰ এই তালিকাত প্ৰথম স্থানত আছে আই আই টি মাদ্ৰাছ৷ আনহাতে, সামগ্ৰীক ভাৱে সকলো ক্ষেত্ৰৰে শিক্ষানুষ্ঠানৰ শীৰ্ষত থকা এই তালিকাখনৰ উপৰি কেন্দ্ৰীয় মানৱ সম্পদ উন্নয়ন বিভাগে সুকীয়া সুকীয়া ভাৱে বিশ্ববিদ্যালয়, কলেজ, ইঞ্জীনিয়াৰিং, মেনেজমেন্ট, মেডিকেল আদি শিতানত বিভক্ত কৰিও পৃথক তালিকা প্ৰস্তুত কৰিছে ৷ সেই অনুসৰি দেশৰ এশখন খন বিশ্ববিদ্যালয়ৰ তালিকাত তেজপুৰ বিশ্ব- বিদ্যালয়ে ৩৯ নং, গুৱাহাটী বিশ্ববিদ্যালয়ে ৪৭ নং আৰু ডিব্ৰুগড় বিশ্ববিদ্যালয়ে ৮৪ নং স্থান লাভ কৰিছে৷ আনহাতে বিশ্ববিদ্যালয়ৰ তালিকাত শীৰ্ষত আছে বাংগালুৰুত থকা ইন্ডিয়ান ইনষ্টিটিউট অৱ ছায়েন্স৷ দ্বিতীয় স্থানত দিল্লীৰ জৱহৰলাল নেহৰু বিশ্ববিদ্যালয় আৰু তৃতীয় স্থানত আছে বেনাৰস হিন্দুবিশ্ব বিদ্যালয়৷
ইফালে ইঞ্জীনিয়াৰিং শিক্ষানুষ্ঠানৰ তালিকাত আই আই টি গুৱাহাটীয়ে সপ্তম স্থান, এন আই টি শিলচৰে ৪৬ নং আৰু ইন্ডিয়ান ইনষ্টিটিউট অৱ ইনফৰমেছন টেকনলজী গুৱাহাটীয়ে ৬৬ নং স্থান অধিকাৰ কৰিছে৷ ইঞ্জীনিয়াৰিং শিতানত প্ৰথম স্থানত আছে আই আই টি মাদ্ৰাজ৷ দ্বিতীয় আৰু তৃতীয় স্থানত আছে আই আই টি দিল্লী আৰু আই আই টি ব'ম্বে ৷
আনহাতে ফামাৰ্চীটিকেল শিতানত গুৱাহাটীৰ নেচনেল ইনষ্টিটিউট অৱ ফামাৰ্চিটিকেল এডুকেচন এন্ড ৰিচাৰ্চে ৬৬ নং, ডিব্ৰুগড় বিশ্ববিদ্যালয়য়ে ৩৫ নং, গিৰিজানন্দ চৌধুৰী ইনষ্টিটিউট অৱ ফামাৰ্চিটিকেল চায়েন্সে ৭২ নং স্থান লাভ কৰিছে৷
দেশৰ এশখন কলেজৰ তালিকাত অসমৰ পিছে কোনো এখন কলেজেই স্থান লাভ কৰা নাই৷ কলেজৰ তালিকাৰ প্ৰথম স্থানত আছে দিল্লীৰ মিৰান্ডা হাউচ, দ্বিতীয় আৰু তৃতীয় স্থানত আছে ক্ৰমে দিল্লীৰ লেডী শ্ৰী ৰাম কলেজ ফৰ ৱমেন আৰু হিন্দু কলেজ৷ আইনৰ শিক্ষানুষ্ঠানৰ তালিকাত গুৱাহাটীৰ নেচনেল ল ইউনিভাৰচিটি এন্ড জুডিচিয়েল একাডেমীয়ে ১৬ নং স্থান লাভ কৰিছে৷ আনহাতে মেডিকেল,মেনেজমেন্ট শিতান অসমৰ কোনো শিক্ষানুষ্ঠানেই তালিকাত স্থান লাভ কৰা নাই৷
Comments
Post a Comment